جمعية نور للاغاثة والتنمية

اضغط على كل صورة لمزيد من المعلومات الاضافية:

نص تجريبي

غسل اليدين بالماء والصابون لمدة 20 ثانية كحد أدنى لأنو الصابون كفيل إنو يحمي ايدينا ضد الفايروس. إذا كنت بمكان مافيه صابون، استخدم محلول كحولي لتعقيم الأيدي. تاني شي، غطي أنفك وفمك عند العطاس أو السعال، إما بثني المرفق أو بمنديل نظيف، وتخلص منو فوراً. إذا حسيت عندك سعال أو عطاس متكرر، استخدم كمامة لتحمي نفسك والآخرين مااااا تلمس الأنف أو الفم أو العين، خصوصاً لما تكون مو متأكد من نظافة ايديك، إذا لمست سطح مو نظيف، العدوى ممكن تنتقل للجهاز التنفسي عن طريق اللمس

* خلي عندك روتين يومي ووقت محدد للأكل والنوم والاهتمام بنفسك، * خليك على تواصل مع رفقاتك وأهلك والناس اللي بتحبهن خلال اليوم.. اتطمن عليهن وطمنهن عنك، * مارس هوايات بتحبها متل الرياضة أو الرسم أوالموسيقا أو حتى الطبخ * حدد ساعة باليوم لتفكر فيها بالشغلات اللي زاعجتك أو مخوفتك وناقش الفكرة مع حدا بتوثق فيه

النصائح الأساسية للوقاية من فايروس الكورونا

لتحمي حالك وأهلك وعيتلك .. خليك بالبيت والتزم بشروط التباعد المكاني الحقائق بتقول .. التباعد المكاني كتير مهم لنحمي حالنا والمحيط من فيروس كورونا، ولازم نطبق حدود المسافة المكانية بحياتنا اليومية. واللي هي إنو نترك فراغ يتراوح ما بين 1 متر إلى متر ونصف بيننا وبين الأشخاص الباقيين بالمحيط .. بهالطريقة منقدر نحمي حالنا وين ما كنا .. بالشارع، بالشغل أوحتى بالبيت..

حقائق مغلوطة عن فايروس كورونا عم تتناقلها وسائل التواصل الاجتماعي، خليك واعي ولا تاخد المعلومة الا من المصادر الموثوقة

أكيد سمعتوا كتير عن عالم بلشت تاخد أدوية معينة لتحمي حالها من فيروس كورونا، ناس عم تاخد مضاد حيوي و ناس عم تاخذ دواء ملاريا... بس إنت لازم تعرف أنو لحد الآن مافي علاج واضح للقضاء على فيروس كورونا. فيك تخبر يلي بلش ياخد مضاد حيوي إنو الصادات الحيوية بتقتل الجراثيم بس وغير فعالة ضد الفيروسات وحتى بشكل عام معقول تخفف مناعة الجسم. وكمان خبر يلي عم ياخد دواء ملاريا إنو ما في دراسات رسمية أكدت فعالية الدواء بالقضاء على الفيروس.

شو هيه الأعراض الأكثر شيوعا لفايروس كورونا حسب منظمة الصحة العالمية

خليك بالبيت... لتحمي حالك وتحمي الآخرين من الإصابة بفيروس كورونا... بس دورك ما بيخلص هون... لأن بهالظروف الصعبة ضروري كمان نساعد بعض وندعم بعض... وقت تنزل عالسوق تشتري غراض لبيتك... تذكر جارتك الختيارة... واحسب حسابها بكم غرض... ولا تنسى جارك اللي وقف شغله وساعده على قد ما بتقدر... واتصل بأهلك وبرفقاتك واطمن عليهون... الكلمة الطيبة كتير بتعمل تأثير ايجابي. هالظروف اجت عالكل ... خلينا كلنا نكون سند لبعض...

حتى لو كنت بالبيت، حافظ على لياقتك وصحتك من خلال بعض التمارين البسيطة

ماهي مدة الحضانة لفيروس كورونا؟ هي الفترة اللي معقول ما بيظهرعلى الشخص الحامل للفيروس فيها أي أعراض أبداً.. وبتستمر ل 14 يوم واحيانا اكثر. *بتعرف شو هيه أعراض فيروس كورونا بالتحديد؟ هنن ثلاثة أعراض رئيسة.. السعال الجاف.. ارتفاع الحرارة.. وضيق التنفس. طيب معقول أنا انصاب بالكورونا؟" كتير طبيعي بهالظروف نضل عم نفكر بالكورونا والعدوى بس كمان ما لازم يصير عنا رعب من الموضوع، المهم تهتم بالنظافة الشخصية، التباعد المكاني... والأهم تضل بالبيت لتساهم بحماية حالك والآخرين من الإصابة.

جسمنا قادر يتصدى للمرض طالما مناعتنا قوية طيب كيف منقوي جهاز المناعة؟ في كتير طرق لنخلي جهاز المناعة قوي وجاهز يتصدى للفايروس: أول شي، حافظ على مستوى حركة ونشاط مقبول من خلال ممارسة تمارين رياضية بسيطة بالبيت، يعني خليك بالبيت بس ما تبقى نايم كل الوقت.. الرياضة والحركة بتخلي الدورة الدموية نشيطة وبتساعد على تقوية الجهاز المناعي تاني شي، نوَع غذاءك وركز على الخضار والفواكه، خصوصاً الي فيها نسبة عالية من فيتامين سي والحديد متل البرتقال الفليفلة الخس والسبانخ، هي كلها أغذية بتمد بالطاقة وبتقوي جسمك

أنا شب أو صبية وجسمي قوي ومناعتي عال العال، بس هادا ما معناه إنو ما لازم آخد احتياطاتي ضد المرض، خليك بالبيت مو بس للكبار بالعمر أو للناس الي معها مرض، خليك بالبيت للكل لأنو المرض ما رح يفرّق اذا عمري صغير أو كبير، إذا كنت شب أو صبية أكيد أعراض المرض وآثاره رح تختلف من جسم للتاني ومن عمر للتاني، لهادا السبب لازم نحمي حالنا لنحمي أهلنا والناس الي منحبهن، ولنحمي كبارنا وما نكون نحنا وسيلة عدوى الهن

كلنا معرضين للإصابة بالفيروس.. فيروس كورونا ممكن يصيب الأشخاص من جميع الأعمار والفئات الاجتماعية .. العدوى مو عيب .. والمرض مو عيب .. هادا الوقت لنوقف مع بعض لأن مافي شي رح يساعدنا نطلع من هالأزمة غير دعمنا لبعض .. التنمر والوصمة هنن خطأ وخطر حقيقي

Previous Next

لتحمي حالك وأهلك وعيلتك ..
#خليك_بالبيت والتزم بالحجر الطوعي.
طيب شو يعني حجر طوعي وليش لازم نلتزم فيه؟
الحقائق بتقول .. أفضل وأنفع وسيلة لنخفف من حدة انتشار فيروس كورونا هي الالتزام بالبقاء بالبيوت قدر الإمكان بالوقت الحالي ..
هالشي بيصير بإنو نضل بالبيت ونخفف من الحركة الخارجية إلا عند الضرورة .. بهالطريقة منقدر نحمي حالنا ونحمي أهلنا ورفقاتنا وحتى كل العالم ..
شوفو معنا الفيديو التوضيحي التالي عن معدل انتشار العدوى في حال ما التزمنا بالحجر الطوعي!

استجابة جمعية نور للاغاثة والتنمية

للتواصل مع جمعية نور:

أرقام الطوارئ

اضغط على كل صورة لمزيد من المعلومات الاضافية: